| Cartref Llety Priodasau Cynhadledd Digwyddiadau Bydda'n Wyrdd Gweithgareddau Newyddion Cysylltwch Galeri |
Craflwyn yw’r lleoliad delfrydol ar gyfer dathliad teuluol, boed hwnnw’n ben-blwydd arbennig, yn ben-blwydd priodas neu’n gyfle i roi’r byd yn ei le efo’r teulu neu ffrindiau. Mae’r 8 ystafell wely yn y Neuadd a’r llety ychwanegol yn yr hafod yn golygu bod modd i’r teulu i gyd aros gyda’i gilydd mewn un man. Mae’r gegin yn llawn offer ar eich cyfer neu gallwn drefnu i arlwywyr alw draw i baratoi eich pryd tra’n dathlu. Mae safle Craflwyn yn ddelfrydol ar gyfer pawb sy’n mwynhau’r awyr agored. Saif yng nghanol dyffryn hardd Nantgwynant, a cheir golygfeydd bendigedig ar bob tu. Ceir llwybrau cerdded godidog ar garreg y drws a fydd yn eich tywys drwy goedlannau ac heibio rhaeadrau i’r bryniau a’r mynyddoedd. Bydd ein staff yn falch o gymeradwyo unrhyw lwybr ar gyfer gwahanol lefel o allu! Cewch gipolwg ar ein llwybrau hefyd ar ein tudalen teithiau cerdded. Ymysg y gweithgareddau lleol eraill sydd ar gael mae marchogaeth, dringo a chanwio. Cliciwch yma am fanylion llety a phrisiau.
Gwyliau Gwaith “Dyma’r amser gorau i mi gael erioed tra’n cadw’n heini. Bwyd da a dysgu medrau newydd yn y wlad gyda phobl â’r un diddordeb.” Mae gwyliau gwaith yn cynnig hwyl, ansawdd, a’r ymdeimlad o fod wedi medru cyflawni rhywbeth. Dyma gyfle i wneud gwahaniaeth arwyddocaol i gefn gwlad drwy ymgymryd ag amrywiaeth o orchwylion cadwraeth dan oruchwyliaeth. Ar yr un pryd gallwch fwynhau un o dirluniau mwyaf trawiadol gwledydd Prydain. Fe fydd gweithgareddau’r wythnos yn ddibynnol ar ba wyliau a ddewiswch. Mae rhai yn cynnwys gorchwylion amgylcheddol ymarferol. I rai eraill, fe fydd thema neu ffocws, ac felly fe fydd eich gweithgareddau yn canolbwyntio ar gwblhau project arbennig. Pa bynnag wyliau a ddewiswch, fe fyddwch yn profi’r boddhad o weithio mewn tîm i gwblhau gorchwyl gwerth chweil, gan ddysgu medrau newydd yn aml wrth i chi weithio ochr yn ochr â’n tim cefn gwlad profiadol. Gall Craflwyn gynnig dau fath o lety ar gyfer y gwyliau gwaith. Mae’r sawl ddaw ar y gwyliau cyffredin yn aros yn yr hafod, sydd â nifer o welyau mewn un ystafell. I’r rhai hynny sydd yn mwynhau dipyn bach o foethusrwydd, gallwch aros yn y Neuadd mewn ystafell dau wely ac en-suite os dewiswch y gwyliau premiwm. Am fanylion y gwyliau gwaith, cysylltwch â swyddfa archebu gwyliau gwaith yr Ymddiriedolaeth Genedlaethol ar 08704 292429 neu ymwelwch â’r wefan:- Gwyliau Gwaith. Erthygl papur newydd am wyliau gweithio wedi ei leoli yng Nghraflwyn. |
