Cymraegcyfarfod

Lleoliad perffaith ar gyfer eich digwyddiad busnes

Craflwyn yw’r lleoliad delfrydol ar gyfer cyfarfodydd, digwyddiadau hyfforddi neu ddyddiau i ffwrdd ar gyfer busnes. Mae’r ganolfan gynadledda a gweithgareddau sydd ag adnoddau llawn yn cynnig hyblygrwydd a gwerth am arian ardderchog. Bydd pob cleient yn cael gwasanaeth unigol gan ein tîm i sicrhau’r pecyn gorau y gellid ei deilwra.

Mae aros yn Neuadd Craflwyn yn brofiad ynddo’i hun gydag amrywiaeth o ystafelloedd ar gyfer cyfarfodydd a seminarau, pob un â’i chymeriad unigryw ei hun. Gallwch ddefnyddio’r ddwy ystafell seminar awyr agored neu’r ystafell haul i fanteisio’n llawn ar yr amgylchedd syfrdanol yn ystod eich sesiynau hyfforddi.

Neu, ar gyfer digwyddiadau llai yn y dydd neu’r nos mae gennym ystafell gyfleus Canolfan Deilen Las, melin lifio sydd wedi ei throsi ac sydd wedi ei lleoli’n gyfleus wrth y maes parcio.

Gwyddom fod bwyd da yn hanfodol i unrhyw ddigwyddiad busnes. Rydym yn gweithio gydag amrywiaeth o arlwywyr ardderchog a fydd yn llunio bwydlenni ar gyfer eich anghenion penodol.

Mae’r ganolfan yn ymgorffori llawer o’r nodweddion amgylcheddol diweddaraf yn cynnwys gwres solar, inswleiddiad gwlân a defnydd cydymdeimladol o ddefnyddiau lleol a naturiol. Rydym yn ymroddedig i leihau ein hôl troed amgylcheddol yng Nghraflwyn ac fe roddwn ddisgownt i grwpiau sy’n cyrraedd ar gludiant cyhoeddus.

Faint all ddod?

Mae yna gyfleusterau busnes yn y Neuadd ar gyfer:

70 o bobl ar ddull theatr
40 o bobl ar ddull ystafell fwrdd
Os gofynnol, llety dros nos i 14 mewn 8 o lofftydd

Gall Canolfan Deilen Las ddarparu cyfleusterau busnes ar gyfer:

35 o bobl ar ddull theatr
20 o bobl ar ddull ystafell fwrdd

Mae’r Neuadd a Chanolfan Deilen Las yn cynnig: :

Mynediad i gadair olwyn a dolen glywed yn y brif ystafell bwyllgor
Defnydd o siartiau troi, taflunydd digidol a sgrin

Llety

Mae’r adnoddau sydd ar gael yng Nghraflwyn yn cynnig hyblygrwydd o ran llety. Gallwn lunio pecyn a fydd yn briodol i anghenion a chyllideb penodol eich grwp.

Mae llety ar gael yn y neuadd Fictoraidd a atgyweiriwyd yn ddiweddar, ac mae lle i 14 gysgu yma mewn 8 ystafell, y mwyafrif ohonynt yn en-suite.

Mae’r hafod, sydd wedi’i leoli yn yr hen stablau, yn darparu llety i 12 o bobl ychwanegol.

Am fwy o wybodaeth am aros gweler y dudalen Llety

Am gyngor neu wybodaeth am y cyfleusterau a gynigir yng Nghraflwyn ac i archebu lle, ffoniwch ein swyddfa ar 01766 510120. I lwytho ffurflen archebu i lawr cliciwch yma.