|
|
Arweinyddion Treftadaeth Ifanc Awydd rhoi cynnig ar rywbeth newydd? Am ddim! Mae arweinyddion Treftadaeth Ifanc yn gwrs cyffrous sy’n cael ei redeg gan yr Ymddiriedolaeth Genedlaethol mewn partneriaeth â CRAC (Cyngor Ymgynghorol Ymchwil Gyrfaoedd). Mae’r cwrs yn edrych ar bob agwedd ar waith tîm o fod yn aelod effeithlon o dîm i ddod yn arweinydd tîm effeithlon. O gwblhau sialensiau tîm i arwain tasgau cadwraeth ymarferol drwy gyfres o sialensiau dan do ac yn yr awyr agored, fe gewch ddigon o gyfle i ymarfer y sgiliau y byddwch yn eu hennill ar y cwrs ac a fydd o ddefnydd mawr i chi drwy gydol eich bywyd yn y dyfodol. Ar ddiwedd y cwrs fe fyddwch yn ystyried eich profiadau ac fe gaiff eich sgiliau newydd eu cydnabod gyda dyfarniad Sefydliad Arweinyddiaeth a Rheolaeth Lefel Dau mewn Arwain T îm. Fe fyddwch yn cyfarfod yn wythnosol yng Nghanolfan Gymunedol Talysarn, fe fydd rhai sesiynau’n aros yno ac fe dreulir y lleill allan yn yr ardal o gwmpas ar deithiau tywys ac yn ymgymryd â thasgau cadwraethol ymarferol. I gwblhau’r cwrs fe allwch brofi eich sgiliau newydd go iawn pan fyddwch yn arwain Dyddiau Profi Gwirfoddoli ar gyfer pobl ifanc eraill o’r ardal. Fe fydd y profiadau a enillwch yn eich gwneud yn fwy cyflogadwy a bydd yn ychwanegiad trawiadol i’ch CV ar gyfer ceisiadau coleg a Phrifysgol. Ac mae’r cyfan am ddim!! Fe allwn hefyd dalu eich costau teithio (cyfradd cludiant cyhoeddus) Dim ond lle i 15 sydd yna ar y cwrs felly bwciwch yn awr i neilltuo lle. I gael gwybodaeth bellach ac i fwcio lle ar y cwrs cysylltwch â Sarah Worth ar 01766 510 127 neu sarah.worth@nationaltrust.org.uk |
